جووا لك يا ابو حسني قصايد حزينه
وارجعتهم للعيد رغم الأعادي
ما يكرم الرجّال إلا يدينه
وايضًا لقى له في يدينك أيادي
يا باني أمجادك مدينه مدينه
وشعوبها طيب وسخى واجتهادِ
يا اللي على الصولات سيفه يمينه
يا اللي على الفزعات ضغطة زنادي
ما ينكر علوم الرجال الثمينه
إلا حسودٍ فاقدٍ للمبادي
يشهد لك الله والعباد الأمينة
أهل الصلاة الخاشعة والجهادِ
أقولها والحال حسنا وزينه
واشدو على العليا نشيد الحصادِ
وانظر إلى ناسٍ بنظرة رزينة
ثعالبٍ تلبس لباس العبادِ
يا كم لهم عندي فصولٍ لعينه
جاوزتها والليل كله شدادي
اللي تركته في نهاية سنينه
واللي رميته للثرى والرمادِ
هذا الزمان وزادنا من مِعينه
يبدي لنا المعنى عناد وتمادي
والحكمة المثلى طرايق دفينه
يفهم لها قرمٍ بفعله ينادي
والبوصله شورٍ يقود السفينه
حين العواصف ثايره بازديادِ
أقولها والمكرمات السمينه
والعاديات الضابحات الجيادِ
أنا ضمين اللي مبارك ضمينه
من قوة ايماني وصدق اعتقادي
شعر / عصام مطير
قصيدة نبطية
ليست هناك تعليقات:
إرسال تعليق
الرجاء الالتزام بنص الموضوع والافكار المناقشه به او تخصصه